Forwm Cam-Drin Yn Y Cartref

Conwy a Sir Ddinbych

 

OS YDYCH CHI'N ANHAPUS - DYWEDWCH WRTH RYWUN

Adref Niferoedd Cysylltiad Amdanom Ni Diffiniad Cam-Drin Yn Y Cartref Digwyddiadau a Cyfarfodydd

Hyfforddiant

Cyrsiau Hyfforddiant

Is-grŵp Hyfforddiant

                                                                    
 

Nod y digwyddiadau hyfforddi undydd hyn yw:

  • Adnabod yr ystod helaeth o wahanol fathau o ymddygiad sy'n berthnasol i gam-drin yn y cartref, a diffiniad cyffredinol ohono

  • Cydnabod y gwahanol agweddau a mythau ynghylch cam-drin yn y cartref, ac archwilio ymatebion proffesiynol ac unigolion

  • Archwilio'r rhwystrau posibl a wynebir wrth geisio cymorth a chlustnodi strategaethau i leihau'r rhwystrau hynny

  • Adolygu arferion sy'n ymwneud â chefnogi ac anghenion rhieni a phlant

  • Deall y berthynas rhwng cam-drin oedolion a cham-drin plant

  • Deall yr effaith mae cam-drin yn y cartref yn ei gael ar bobl o bob oed
  • Cynyddu’r adrodd ynglyn a digwyddiadau cam-drin yn y cartref, a gostwng nifer y digwyddiadau sy’n cael eu hail-adrodd
     

Bydd y diwrnod yn cynnwys elfennau o hyfforddiant rhyngweithiol i archwilio'r materion sy'n ymwneud â cham-drin yn y cartref ac mae'r ffi yn cynnwys set lawn o daflenni gwybodaeth perthnasol ar gyfer y diwrnod.

Cost y cwrs undydd hwn yw £30 ac mae hyn yn cynnwys cinio, diodydd, llogi'r lleoliad a'r daflen wybodaeth.

Dyddiadau

Dydd Mercher 23 Mehefin 2010 9.30 yb - 4.30 yp Ysatafell Gyfarfod Stewart Jones, 6-8 Ffordd Llys Nant, Prestatyn, Sir Ddinbych
Dydd Llun 20 Medi 2010 9.30 yb - 4.30 yp Clwb Criced Bae Colwyn, Llandrillo yn Rhos, Conwy
Dydd Iau 18 Tachwedd 2010 9.30 yb - 4.30 yp Ysatafell Gyfarfod Stewart Jones, 6-8 Ffordd Llys Nant, Prestatyn, Sir Ddinbych

 

Llenwch a llofnodwch y ffurflen amgaeedig, a'i dychwelyd i: -

Fforwm Cam-drin yn y Cartref a Diogelwch Personol Sir Ddinbych
d/o Nia Ffoulkes
Tîm Diogelwch Cymunedol,
Ffordd William Morgan,
Parc Busnes Llanelwy,
Llanelwy,
Sir Ddinbych LL17 OHQ
Ffôn 01745 588475
E-bost Nia.Ffoulkes@denbighshire.gov.uk

  Flyer a ffurflen gais mewn Word    DAAwarenessFlyerDoc.gif

 

--------------------------------------------------

Camdriniaeth Ddomestig Is-grŵp Hyfforddiant

 Amodau Cyfeirio

1. Diffinio Camdriniaeth Ddomestig

Diffinnir camdriniaeth ddomestig fel camdriniaeth gorfforol, emosiynol a rhywiol a chamdriniaeth gan rywun (fel arfer ond nid bob amser yn ddyn) o berson (fel arfer ond nid bob amser yn ddynes) y maen nhw wedi cael rhyw ffurf o berthynas hefo nhw, megis priodas, er mwyn cadw pŵer a rheolaeth dros y person hwnnw.

Diffiniad lloches i fenywod o Drais Domestig.

Mae pobl, heb wahaniaeth eu hoed, hil, rhywioldeb, diwylliant, dosbarth cymdeithasol, crefydd a gallu corfforol a meddyliol yn profi camdriniaeth ddomestig. Mae pob aelod yn credu bod camdriniaeth ddomestig yn annerbyniol ac yn aml yn drosedd a bod gan bawb hawl i fyw eu bywyd yn rhydd o ofn, bygythiad a thrais.

2. Enw

Fforwm Camdriniaeth Ddomestig Is-Grwp hyfforddiant.

3. Pwrpas y Grŵp

• Gweithredu fel is grŵp prif Fforwm Camdriniaeth Ddomestig a Diogelwch Personol Sir Ddinbych, gweithio'n effeithiol i addysgu a gwella ymarfer ac agwedd at gamdriniaeth ddomestig.

• Gweithredu fel grŵp o gynrychiolwyr o bob asiant / grŵp proffesiynol sy'n gweithio ar draws Sir Ddinbych i godi ymwybyddiaeth a deall camdriniaeth ddomestig yn y gymuned, eu mudiadau eu hun ac asiantau eraill.

• Cydgordio a datblygu hyfforddiant asiant sengl a sawl asiantaeth, cyfrannu i ddatblygu ymateb ac agwedd cyson.

• Hyfforddi hyfforddwyr aml asiantaeth ar gyfer y Rhaglen Ymwybyddiaeth Sylfaenol.

• Rhannu ymarfer da a chyflwyno hyfforddiant o safon, yn briodol, cyfrifol, mesuradwy ac effeithiol.

• Arolygu a gweithredu darpariaeth hyfforddiant, canfod gofod a gwneud argymhellion i ddatblygu rhaglenni hyfforddiant at y dyfodol.

• Cyfrannu i fonitro a gwerthuso hyfforddiant a wneir ar ran Fforwm Camdriniaeth Ddomestig a Diogelwch Personol Sir Ddinbych a rhoi sylwadau ar effeithlonrwydd ei raglenni hyfforddiant .

4. Aelodaeth

Mae Aelodaeth yn agored i'r holl asiantau perthnasol sy'n gweithio yn Sir Ddinbych sydd hefo :-
• Cyfansoddiad cytunedig neu set o reolau.
• Cytuno i dderbyn amcanion ac egwyddorion y Fforwm.
• Cytuno i dderbyn amodau cyfeirio'r Fforwm.
• Cefnogi agwedd aml asiantaeth at weithio .
• Bod yn fodlon cyfrannu at, a hyrwyddo a chyflwyno hyfforddiant.
• Ymroddedig i gyfrannu a gwella dealltwriaeth o ymddygiad sy'n cam-drin a lleihau goddefgarwch o gamdriniaeth ddomestig.

Nod yr Is-Grwp Hyfforddiant yw bod yn gynhwysol a chydnabod statws cyfartal yr holl bartneriaid. Mae'r grŵp yn agored i gynrychiolwyr o'r sectorau statudol a gwirfoddol.

Mae'r grŵp yn cydnabod bod pob partner yn gwneud cyfraniad gwerthfawr i'r grŵp. Bydd pob Aelod yn cael cyfle i fynegi eu barn neu farn y mudiad a gynrychiolant.

5. Presenoldeb

• Bydd mudiadau'n enwebu eu cynrychiolwyr.
• Mae croeso i aelodau sy'n methu dod i gyfarfod i anfon cynrychiolydd o'r mudiad sy'n eu henwebu.
• Rhaid anfon ymddiheuriad am fethu cyfarfod, cais am wybodaeth, ac unrhyw bapur angenrheidiol at Gadeirydd yr Is- Grŵp.
• Rhaid i bawb sy'n dod i gyfarfodydd o'r Is-Grwp gadw'r pethau'n gyfrinachol.
• Ystyrir bod aelodau, sy'n methu dod neu anfon cynrychiolydd i 3 cyfarfod dilynol, wedi ymddiswyddo o'r grŵp.

6. Cyfrifoldeb cynrychiolwyr yr asiantaeth

• Bydd disgwyl i Aelodau ddod i gyfarfodydd a gweithio ar y cyd hefo aelodau o'r grŵp.
• Bydd Aelodau'n trefnu hefo eu hasiantaeth / grŵp proffesiynol i sicrhau cyfathrebu ar faterion pwysig a godwyd o fewn yr Is-Grwp Hyfforddiant a rhoi adroddiad yn ôl i'r Is-Grwp am unrhyw faterion hyfforddiant a godwyd o'u hasiantaeth eu hun neu o asiantau eraill.
• Cyfrannu i gyflwyno hyfforddiant a bod yn fodlon arsylwi ar hyfforddwyr cymwysedig yn rhoi hyfforddiant ar ran y Fforwm cyn cyd hyfforddi hefo Aelodau eraill y grŵp. Byddai'n ddymunol bod pob hyfforddwr wedi cael Tystysgrif mewn Camdriniaeth Ddomestig neu gyfatebol.

7. Amledd Cyfarfodydd

• Bydd y grŵp yn cyfarfod bob yn ail fis ar adeg ac mewn lleoliad a gytunwyd gan y grŵp. Gall y grŵp benderfynu galw cyfarfodydd ychwanegol neu ohirio cyfarfod os bydd angen.

8. Gweinyddiaeth

• Gwneir pob ymdrech i gylchredeg yr agenda, cofnodion a phapurau o leiaf 7 dydd cyn y cyfarfod.
• Darperir cofnodion yn y ffurf briodol.

9. Cadeirydd ac Is-Gadeirydd

• Bydd y grŵp yn penodi Cadeirydd ac Is-Gadeirydd o blith ei Aelodau.

• Bydd rôl y Cadeirydd ac Is-Gadeirydd yn cael ei adolygu bob 12 mis ar adeg yr Arolwg Blynyddol.

10. Arolwg Blynyddol

• Caiff yr amodau cyfeirio eu harolygu'n flynyddol. Cynhelir hyn mewn cyfarfod hyfforddiant o'r Is-Grwp cyn cyfarfod cyffredinol y fforwm.

Date: Gorffennaf 2005
Author Alison Hay
Date approved by: Gorffennaf 2005



 

ENGLISH VERSION